Dragon Heart

ဟဒ်ဂျာဟာ အရာရာကို ဆုံးရှုံးခဲ့ရတယ်။ သူ့ခန္ဓာကိုယ်က မသန်မစွမ်းနဲ့ ချိနှဲ့လှတဲ့ ဒုက္ခိတဘဝ၊ မိဘတွေလဲ သေခဲ့ရ။ သူ့ရဲ့ မင်းသားဆိုတဲ့ ဂုဏ်ပုဒ်နေရာမှာ ကျွန်အဖြစ်သတ်မှတ်ခံရတဲ့ လည်ပတ်လေးတစ်ခုနဲ့ပါ အစားထိုးခံခဲ့ရတယ်။ ပရီးမတ်စ်က သူ့ဆီမှာရှိတဲ့ အရာတိုင်းကို ဖယ်ရှားပစ်ခဲ့တယ်။ ဒါပေမဲ့ လူတစ်ယောက်ရဲ့ ရင်ထဲမှာရှိနေတဲ့ တိုက်လိုခိုက်လိုစိတ်ကိုတော့ ဘယ်သူကမှ ယူဆောင်သွားလို့မရနိုင်ခဲ့ဘူး။ တကယ်လို့ သောကနဲ့ ပရိဒေဝတွေကသာ သူ့ရဲ့နှလုံးသားကို သွေးတွေစိမ့်ထွက်နေတဲ့ ကျောက်တုံးတစ်တုံးအဖြစ် ပြောင်းလဲသွားစေခဲ့မယ်ဆိုရင်တောင် သူ့အတွက် ကိစ္စမရှိလှပါဘူး။ အရေးအကြီးဆုံးအချက်ကတော့ သူ့မှာ ရှေ့ကိုဆက်သွားချင်နေတဲ့ ဆန္ဒရှိနေသေးတာပဲ။ သူ့မိသားစုအတွက် လူသတ်သမားတွေကို လက်စားချေချင်တဲ့ စိတ်ကူးဟာ သူ့ကို အသက်ဆက်ရှင်နိုင်ဖို့ ခွန်အားတွေဖြစ်စေခဲ့တယ်။ စွမ်းအားကြီးမားလှတဲ့ နဂါးတစ်ကောင်ရဲ့ နှလုံးသားတစ်စိတ်တစ်ပိုင်းကို လက်ခံရရှိခဲ့ပြီးတဲ့နောက်မှာ သူ့ရဲ့သန်မာမှုတွေကို ပြန်ရလာခဲ့တယ်။ စစ်မြေပြင်ကိုရောက်ပြီး မိတ်ဆွေစစ်တွေနဲ့ ဆုံခဲ့ရတယ်။ သူတို့ရဲ့ နံဘေးကနေ တိုက်ပွဲပေါင်းများစွာ အတူတိုက်ခိုက်ခဲ့ကြတယ်။ သူ့ရဲ့ စွမ်းအားအသစ်ကို ကကြိုးတန်ဆာဆင်ပြီး ခမ်းနားတဲ့ အသိပညာတွေကို ဆည်းပူးနိုင်ခဲ့တယ်။ ဟဒ်ဂျာဟာ အတွေ့အကြုံသစ်တွေ အများကြီးရခဲ့တယ်။ ဒါပေမဲ့ ဒါဟာ အံ့ဖွယ်ဆန်းပြားလှတဲ့ ဒဏ္ဍာရီတွေ၊ လျှို့ဝှက်ကြံစည်မှုရဲ့ နန်းတော်တွေ၊ မော်ကွန်းတင်လောက်တဲ့ စစ်ပွဲတွေ၊ မုန်တိုင်းထန်တဲ့ ချစ်ခြင်း မေတ္တာတွေနဲ့ စွမ်းအားပြည့်ဝဖို့ ကျင့်ကြံခြင်းတွေနဲ့ ပြည့်နှက်နေတဲ့ သူ့ရဲ့ မဟာခရီးရှည်ကြီးရဲ့ အစသက်သက်သာ ရှိနေပါသေးတယ်….