Pursuit of the truth

အမှန်တရားရှာပုံတော် - ဒါက ပျော်စရာကောင်းတဲ့ ဝတ္ထုတစ်ပုဒ်တော့ မဟုတ်ပါဘူး။ ဆန့်ကျင်ဘက်အနေနဲ့ ကံဆိုးမိုးမှောင်ကျမှု … စိတ်ပျက်ဝမ်းနည်းမှု၊ ကြမ်းတမ်းခက်ခဲမှုတွေကြားထဲ အမှန်နဲ့အမှား ဝေခွဲမရမှုတွေနဲ့ ပြည့်နှက်နေတဲ့ စာစဉ်တစ်ခုပါ … ဝတ္ထုက ခင်ဗျားတို့ကို ကျင့်ကြံခြင်းလောကအကြားထဲက ကြမ်းတမ်းခက်ထန်မှုတွေနဲ့ အမှန်တရားမဟုတ်တဲ့ အမှန်တရားတွေကို မိတ်ဆက်ပါလိမ့်မယ် … လောကကြီးမှာ စစ်မှန်သော အဆိုးဆိုတာ မရှိသလို စစ်မှန်သော ကောင်းမွန်ခြင်းဆိုတာလည်း မရှိပါဘူး။ မိတ်ဆွေဆိုတာ ရန်သူလည်း ဖြစ်နိုင်သလို ရန်သူဆိုတာလည်း မိတ်ဆွေလည်း ဖြစ်နိုင်ပါတယ်။ ခင်ဗျား မုန်းတီးနေတဲ့လူဟာလည်း တစ်ချိန်မှာ ခင်ဗျားကို နှိမ်သိမ့်ပေးနိုင်တဲ့သူတစ်ယောက် ဖြစ်နေတတ်ပါတယ်။ ခင်ဗျားကို ချစ်တဲ့သူတွေက ခင်ဗျားကို သစ္စာဖောက်ကြလိမ့်မယ်။ အဆုံးသတ်မှာတော့ ခင်ဗျားရဲ့ ရွေးချယ်မှုကပဲ အခရာမလား … ဝတ္ထုရဲ့ အဓိက ဇတ်ဆောင်ဆီမှာ ခင်ဗျားတို့ ဟာသဖြစ်စရာဆိုတာ လုံးဝ တွေ့မှာ မဟုတ်ပါဘူး။ ပျော်ချင်ရင်တော့ ဒီစာစဉ်ကို မဖတ်စေချင်ပါဘူး။ စုမင်ဟာ တည်ငြိမ်ပြီးတော့ စကားနည်းတဲ့သူပါ။ သူဟာ ဉာဏ်ကောင်းတဲ့သူတော့ မဟုတ်ပေမဲ့ စိတ်ဓာတ် အင်မတန်ကြံ့ခိုင်သူဖြစ်တယ်။ တုံးအတဲ့ လူငယ်လေး စုမင်ဟာ ခက်ခဲကြမ်းတမ်းမှုတွေနဲ့ လူ့လောကသင်ခန်းစာတွေကို တွေ့ကြုံပြီး တဖြည်းဖြည်း ရင့်ကျက်လာတဲ့ သူ့ကို ခင်ဗျားတို့ တွေ့မြင်ရပါလိမ့်မယ်။ စုမင်ဟာ စိတ်ပိုင်းဆိုင်ရာ ထိခိုက်မှုများစွာကိုလည်း ဘဝကံကြမ္မာဆိုးတွေဆီက တွေ့ကြုံခံစားခဲ့ရပြီး တဖြည်းဖြည်း အမှောင်ဘက်ခြမ်း ရောက်လာတဲ့ စရိုက်လက္ခဏာတွေနဲ့ သူ့ကို ခင်ဗျားတို့ တွေ့မြင်ရမှာပါ။ နောက်ပိုင်းမှာ ကျင့်ကြံခြင်းလောကကြီးထဲ ကျင်လည်ရင်း အမျိုးမျိုးပြောင်းလဲလာပေမဲ့ ရင့်ကျက်လာတဲ့ စရိုက်လက္ခဏာ၊ အတိတ်ကို ဖက်တွယ်ရင်း ကိုယ့်ပင်ကိုယ်မူလကို မပျောက်အောင် ကြိုးစားနေတဲ့ စုမင်တွေကိုလည်း မြင်တွေ့ရနိုင်ပါတယ်